Фрацузская класіка ў Мікола-Георгіеўскім храме

Напярэдадні святкавання Дня Перамогі прадстаўнікі літаратурнага творчага аб’яднання “Рандэву з французскай паэзіяй” сабраліся ў Мікола-Георгіеўскім храме, каб пачытаць творы з французскай класікі ХІХ–ХХ стагоддзяў. Прагучалі арыгіналы, пераклады на беларускую, рускую мовы, музычныя інтэрпрэтацыі лепшых вершаў Поля Вэрлена, Гіёма Апалінэра, Жака Прэвэра, Мары Ларансэн, Роберта Дэсноса і некаторых іншых прызнаных майстроў слова. Упершыню за доўгі час аўдыторыі былі прадстаўлены пераклады маленькіх паэм у прозе Шарля Бадлера. Творчы вечар суправаджала і выстава цікавых мастакоўскіх работ па матывах вершаў вышэй названых аўтараў.

Асабліва актуальна прагучаў знакаміты твор “Барбара” Жака Прэвэра, дзе паглыблена выяўлена гуманістычнае асэнсаванне чалавечых страт у Вялікай Айчыннай вайне. У вершы класіка згадваецца Брэст, французскі горад, які асацыюецца з беларускім Брэстам і Брэсцкай крэпасцю. Гэты прыклад яскрава паказвае, як дух паэзіі яднае розныя мовы, аддаленыя нацыянальныя традыцыі, таму што памяць пра ваенныя падзеі, іх ахвяры адна для ўсіх людзей.

Студэнтка ВДУ імя П.М. Машэрава,

Мілана Сініца.

   Отправить статью как PDF